24 jeltoqsan búgin qazaqtyń qaharman uly Baýyrjan Momyshulynyń týǵan kúni. Erligimen de, órligimen de artyna óshpes iz qaldyrǵan batyr babamyzdyń abyroıy barǵan saıyn asqaqtaı beredi. Biz búgin batyr Býyrjan Momyshulynyń qanatty sózderin oqyrmandarǵa  usynyp otyrmyz.

1. Qarabet bolyp qashqansha - qaırat kórsetip ólgen artyq.
2. Óz ultyn syılamaý, ony maqtanysh etpeý - satqyndyq.
3. .Til tazalyǵy úshin kúres - eshqashan tolastamaıtyn máńgilik kúres.
4. Sóz jylata da, jubata da alady.
5. Anamyzdyń aq sútimen boıymyzǵa daryǵan ana tilimizdi umytý - búkil ata babamyzdy, bar tarıhymyzdy umytý
6. Til - ult qasıetin aıqyndaıtyn belgi, ulttyq salt-sana ózegi.
7. Ata-ana qadirin bilmegen el - qadirin bile almas,
8. Batyrlyq táýekel men aqyldyń esebinen shyǵýǵa tıis. Táýekel keıde aqyldy da aqtap alady. Al aqylsyz táýekeldi eshteńe de aqtap ala almaıdy
9. Ótiriktiń balyn jalap tiri júrgenshe - shyndyqtyń ýyn iship ólgen artyq
10. Imenip júrip kórgen ıgilikten - qarsylasyp júrip kórgen beınet artyq.

11. Kúnshildik - ózgeniń myqtylyǵy men ózińniń álsizdigindi moıyndaýdan týǵan qubylys.
12. Erlik - taısalmas tabandylyq pen qaıyspas qaısarlyqtan shyǵady.
13. Órshil rýhtan - ólmes erlik týady.
14. Úmit - órge tartady, úmitsizdik - kórge tartady.
15. Jerge - ter tógip, halyqqa - qan tógip qyzmet etýden taısalma!
16. Beldeskenniń - belin syndyr, tireskenniń - tizesin búktir.
17. Eptilik te - erlik.
18. Qolbasshy bolsań sondaı bol - josylyp jatqan joldaı bol
19. Opasyzda Otan joq. Otanda opasyzǵa oryn joq.
20. Jaýyngerlik tárbıe áskerı kıimde emes, jórgekte jatyr
21.  Soldattyń anasy – Otannyń anasy.
22.  Aqyldy kisiniń sózi de, ózi de súıkimdi.
23. Jaqsy soldat komandırge ustaz, al, jaman, aqymaq general komandır túgili soldatqa ustaz bola almaıdy.
24.  Soǵystyń zańy – óte qatal zań.
25. Bireýdiń qatesin orynsyz keshirýge bolmaıdy.
26. Qaıratyńa ádisińdi joldas et, Ádisińe aqylyńdy joldas et.
27. Taıaqtan taısalmasań, Semserden seskenbeseń, Jeńdim deı ber...
28. Árkim ár jaǵdaıda óledi, aqymaq ta, aqyldy da óledi. Biraq, qalaı ólý basqasha.
29. Tártip – tán úshin, yntymaq – jan úshin kerek.